الحكومه العراقيه تنطي هدايا للمتزوجين وين الاجكم

تحية مغلفة بباكيت بسكت جبير هذة اليحطون بي طيور ويزرفوهن حتى يشتمن هوه
ويودوهن للجنابيز مال بغداد الجديدة
:
:
:

الحشاشة رويترز
:
:
تعرض الحكومة العراقية منحة نقدية للأزواج
وشكو وحده جكمه وشكو واحد اجكم
من طوائف مختلفة لاسيما بين الشيعة والسنة
في حملة لرأب الصدع بين الطوائف وتعزيز المصالحة،
يعني راح يصير عرس مزدوج بينهم
العريس من كربله والعروسه من الفلوجة
واهل البصرة ممعزومين لان حسين البصري
زين زلفه بالموس وهسة هو ضايج
ودالي اشترت تنورة شبرين وراح تجي
تغني واني من هسة امبدل وواكف اباب بيتنه
ولابس قاط احمر وحذاء اخضر ورباط ازرك
طالع عبالك حسين الشربيني
وممنوع احضار الحجيات...
ماعده حجية زكيه وحجيه تفيده
لان لابسات سامحني يبابا وطالعات
مدري شلون شايف الركه ....

ولم يحدد الهاشمي ما إذا كان كل الأزواج
الذين يعقدون قرانهم في المستقبل
سيكونون مؤهلين للحصول على المنحة
لكنه قال إنه سيكون هناك
برنامج للاحتفال بالزيجات المختلطة.
الزيجات عباره عن ميوزة طعام ودولكات ايرانيه معاده
والهاشمي راح يوزع لفات كص صغار وكل مدعو
ياخذ لفة والياخذ لفتين مجلس الامن
يفرضون علي عقوبات
وسوف يتهمونه

بقتل عشرات الآلاف من العراقيين في أعمال العنف الطائفية
منذ الغزو الأمريكي في عام 2003،
وأصابت الخلافات بين الساسة
من الجماعات الطائفية حكومة رئيس الوزراء نوري المالكي
بالشلل وعرقلت إحراز تقدم في الإصلاحات
التي تهدف إلى تحقيق المصالحة.
يعني هاي اذا اخذت لفتين فديربالك من هسة

وقال الهاشمي إنه يوجد اليوم برنامج جديد
يريدون من خلاله كسر شوكة الصراع الطائفي.
الشوكه يعني جطل بس هو صاير مثقف الرجال
خوما يكول خاشوكه او يكول صفر طاس
وقال إنه سيتم تخصيص منحة خاصة
لمن يحطم هذه الأسس الطائفية
ويتزوج على أساس أن زوجته عراقية
وليس لأنها سنية أو شيعية.
يعني اليتزوج ليفكر هي سنيه لو شيعيه يتزوج
ويطلع كبل حتى لو جانت عوره او مضروبه موس
او وزنهه 260 باوند

وتزوج الشيعي علي النمرود (29 عاما)
من امرأة سنية قبل شهرين وكان سعيداً
بمبلغ 1500 دولار الذي تسلمه
ليسدد ديون زواجه. لان اشترالهه غرفة صاج
مكتوب عليهه لتفتحين البوب هواية تره اطلكج
واخذ جراجف ستن ونعالات للحمام مرسوم
عليهه ميكي ماوس
وقال الزوج"هناك أشخاص متعصبون جدا.
من زواجي لان اني خشمي ممقبول باليونسيف
والمنظمة الدولية فرمتته ست مرات
وقال المالكي
إننا محايدون ولا نلتفت إلى هذه المسائل.
نحن لا نفرق بين الشيعة والسنة"،
وأردف قائلا: "لا أتجادل مع زوجتي
لأننا من طائفتين مختلفتين.
يعني اذا هي تحب الباميا اني لازم
اتغده عنجاص واذا هي اشتهت كيوي
اني لازم اشرب لبن فالشغلة عاديه
و إننا ندين الأشخاص الذين يشعرون
بالحساسية تجاه هذه المسائل."

وتزوج نجل أم فؤاد الكردية من عربية
سنية في العام الماضي.
وكان الزوجان متلهفين على الحصول
على المنحة لدفع تكاليف المستشفى
حيث إن زوجته على وشك وضع مولودها،
لان مولودها راح يطلع مثل ابو الغضب
نصه كردي ونصه سني واخاف من يطلع
من بطن امه تصير عنده ميول شيعيه
فيما تزوج النجل الثاني لأم فؤاد
من شيعية وهو يحتاج المال لتسديد ديون الزواج.
وقالت "نحن لا نفرق بين الطوائف.
"بس انطونه التكاليف واحنه منفرق
بداعتي وتدرون داعتي شكد غاليه عندي

يشار إلى أن العنف الطائفي في العراق
أرغم مئات الآلاف من الأشخاص
على مغادرة الأحياء التي تسيطر عليها طائفة
أو أخرى ما أدى إلى نزوح هائل للعراقيين،
حتى ام سامي ام التموينيه هجروهه
وواخذت كواني الطحين وراحت المساكن برزه بسوريا
فتحت مخبز وكتبت هذا من فضل ربي
وبنهاية الموضوع باركوا للعرسان
وكولوا الله يوفقهم واخذوا كل واحد جكليته
بس مو تشمرون الكواغد بالكاع
كولوا لا يااااااااااااااااابوووووووووووووي